गिग कामगारांचा दोन दिवसापासून डिजिटल संप 

Gig Workers’ Strike Disrupts Online Services in Pune, Mumbai In marathi :नमस्कार मित्रानो! स्वागत आहे आपल्या कोथरुडकर.कॉम च्या वेबसाईट वर, मित्रानो दिवाळीसारख्या महत्वाच्या सणाच्या दिवशी, गिग कामगारांनी (Delivery Person) आपली व्यथा मांडण्यासाठी आणि त्रासदायक  कामकाजाच्या परीस्थितीवर आवाज उठवण्यासाठी दोन दिवसापासून डिजिटल संप पुकारला आहे. 

Gig and Platform Services Workers Union (GIPSWU) या महिलांच्या नेतृत्वाखालील देशातील पहिल्या गिग वर्कर्स युनियनने हा संप आयोजित केला आहे. यामुळे पुणे, मुंबईसह महाराष्ट्रातील अनेक ठिकाणी ओला, स्विगी, झोमॅटो, अर्बन कंपनी यांसारख्या लोकप्रिय प्लॅटफॉर्म्सवरील सेवा काही काळासाठी बंद राहणार आहेत. ग्राहकांना दिवाळीच्या दिवशी मोठ्या अडचणींचा सामना करावा लागण्याची शक्यता आहे, कारण या सेवांचा दैनंदिन जीवनात मोठा वाटा असतो.

A digital strike and #BlackDiwali observed by women gig workers, their families and allies across 11 major Indian cities today, under the leadership of GIPSWU, short for Gig and Platform Services Workers Union. GIPSWU is a women-led gig workers national trade union. pic.twitter.com/1z7fyMT6iY

— Greeshma Kuthar (@jeegujja) October 31, 2024

गिग कामगार म्हणजे काय

गिग कामगार हे स्वतंत्र कंत्राटदार, ऑनलाइन प्लॅटफॉर्म कामगार, कंत्राटी फर्म कामगार, ऑन-कॉल कामगार आणि तात्पुरते कामगार आहेत. कंपनीच्या ग्राहकांना सेवा देण्यासाठी गिग कामगार ऑन-डिमांड कंपन्यांशी औपचारिक करार करतात.

कामगारांवर होणारा अन्याय आणि त्यांची व्यथा

GIPSWU च्या महाराष्ट्र प्रमुख निशा पवार यांनी गिग कामगारांच्या स्थितीबद्दल आवाज उठवला आहे.

डिजिटल संप मागची कारणे व मागण्या :

1)गिग कामगारांना किमान वेतनाची हमी देणे .

2)त्यांच्या आरोग्याची काळजी घेतली गेली पाहिजे .

3)कामाच्या ठिकाणी असुरक्षितता असल्याने सुरक्षेसाठी उपाययोजना करणे., 

4)भेदभाव बंद केला पाहिजे , आणि 

5अनेकदा हिंसेच्या घटनांनाही सामोरे जावे लागते,

6)गिग कामगारांना “औपचारिक कर्मचारी” म्हणून मान्यता मिळावी

7)कंपन्यांनी पारदर्शक कार्यपद्धती राबवावी.

असे त्यांनी नमूद केले. अनेक कामगार अपुरी सुरक्षा आणि कमी पगाराच्या अटींवर काम करतात. त्यांनी पुढे सांगितले की, “संपामध्ये सहभागी होण्याचा निर्णय हा कामगारांचा निषेध व्यक्त करण्याचा एक पाऊल आहे. हा संप म्हणजे त्यांच्या हक्कांसाठी लढण्याचा आणि न्याय मिळवण्याचा प्रयत्न आहे.“

कामगारांसाठी औपचारिक मान्यता आणि सामाजिक सुरक्षा हक्कांची मागणी

गिग कामगारांना “औपचारिक कर्मचारी” म्हणून मान्यता मिळावी ही कामगार संघटनेची प्रमुख मागणी आहे. गिग कामगारांनी त्यांचे योगदान आणि निष्ठा प्लॅटफॉर्म्ससाठी देत आहेत, परंतु त्यांना त्याबदल्यात कर्मचारी म्हणून कोणतेही हक्क मिळत नाहीत. पवार यांनी यावर जोर देत सांगितले, “जर गिग कामगारांना औपचारिक मान्यता दिली गेली, तर त्यांना कर्मचारी भविष्य निधी (EPF), पेन्शन, विमा योजना आणि अन्य सामाजिक सुरक्षेची सुविधा मिळू शकेल.” शिवाय, कामाचे सुरक्षित वातावरण, किमान वेतन, आणि कंपन्यांच्या अन्यायकारक अटींवर एक मर्यादा घालणे हे देखील त्यांच्या मागण्यांमध्ये समाविष्ट आहे. कामगारांची सुरक्षा सुनिश्चित करण्यासाठी सरकारने ऑनलाइन प्लॅटफॉर्म्ससाठी एक नियामक आराखडा तयार करावा, अशीही मागणी त्यांनी केली आहे.

संपाचा महाराष्ट्रात मोठा परिणाम

महाराष्ट्रातील अंदाजे १०,००० ते १५,००० गिग कामगार या संपामध्ये सहभागी झाले आहेत, ज्यामुळे पुणे, मुंबई आणि अन्य शहरांमधील नागरिकांना विविध प्रकारच्या सेवांचा अभाव जाणवेल. खाद्यवितरण सेवा, प्रवास सुविधा आणि घरगुती सेवांचा या संपामुळे मोठा फटका बसेल. दिवाळीसारख्या सणाच्या दिवशी लोकांना त्यांच्या गरजांसाठी ऑनलाइन सेवा वापरण्याची अपेक्षा असते, परंतु आज या कामगारांच्या संपामुळे त्यांना या सुविधा मिळणे कठीण होणार आहे.

ग्राहक आणि समाजाच्या प्रतिक्रिया

अनेक ग्राहकांनी या संपाबद्दल चिंता व्यक्त केली आहे, तर काहींनी या कामगारांच्या लढ्याला समर्थन दिले आहे. “गिग कामगार आपल्याला सुविधा पुरवतात, परंतु त्यांच्या हक्कांसाठी त्यांना इतके मोठे पाऊल उचलावे लागते हे खरेच दुर्दैवी आहे,” असे एका ग्राहकाने म्हटले आहे. दुसरीकडे, काहींनी दिवाळीसारख्या आनंदाच्या सणात सेवा ठप्प होण्यावर नाराजी व्यक्त केली आहे.

कामगारांचे भविष्य आणि संपाची पुढील दिशा

हा संप कामगारांच्या भवितव्यासाठी महत्त्वपूर्ण आहे. गिग कामगारांचा हा लढा त्यांच्या हक्कांसाठी आहे आणि त्यांना सामाजिक सुरक्षेच्या हक्कांची प्राप्ती होण्यासाठी घेतलेले हे पाऊल आहे. या संपाचे यश हे कामगारांच्या मागण्या मान्य केल्यास किंवा त्यावर सकारात्मक चर्चा सुरू केल्यास मिळेल. मात्र, यामध्ये सरकार आणि कंपन्यांचे समर्थन महत्त्वाचे ठरणार आहे.

कुणाल कामरा ने नोकरी स्वीकारली END OF OLA?|kunal kamra joins ola electric

पुण्यातील धक्कादायक घटना ,खून की मृत्यू ?Dead body of 60 yr Old Man found On Sinhagad Fort

FAQ’S वारंवार विचारले जाणरे प्रश्न

या दिवाळी मध्ये OTT वर काय पाहाल | OTT Diwali Week New Movies & Web series october