Pakistani Actor Fawad Khan’s Movie ‘Abir Gulaal’ Faces Opposition from MNS
Fawad Khan Upcoming Movie Abir Gulaal: अभिनेता फवाद खान (Fawad Khan) मोठ्या पडद्यावर पुनरागमन करत आहे. त्याचा ‘अबीर गुलाल’ (Abir Gulaal) हा नवीन हिंदी चित्रपट ९ मे रोजी प्रदर्शित होणार आहे. हा चित्रपट एका प्रेमकथेवर आधारित असून त्याचा टीझर नुकताच रिलीज झाला. मात्र, हा सिनेमा भारतात प्रदर्शित होण्याआधीच वादाच्या भोवऱ्यात अडकला आहे. महाराष्ट्र नवनिर्माण चित्रपट सेनेचे अध्यक्ष अमेय खोपकर (Ameya Khopkar) यांनी हा चित्रपट प्रदर्शित होऊ देणार नाही, असे ठामपणे सांगितले आहे.
मनसेचा ‘अबीर गुलाल’वर कडवा विरोध
फवाद खानच्या या नव्या सिनेमावर मनसेने (MNS) आक्रमक भूमिका घेतली आहे. अमेय खोपकर यांनी ट्वीट करत स्पष्ट शब्दांत सांगितले की, “पाकिस्तानी कलाकारांचे चित्रपट भारतात प्रदर्शित होऊ देणार नाही, हे इतक्या वेळा सांगूनही काही नासके आंबे उपटतातच. मग त्यांना कचऱ्यात टाकायचं काम मनसैनिकांनाच करावं लागणार आणि आम्ही ते करणार, करत राहणार… ‘अबीर गुलाल’ हा चित्रपट भारतात प्रदर्शित होऊ देणार नाही म्हणजे नाही. ज्यांना पाकिस्तानी कलाकारांना डोक्यावर घ्यायचंय त्यांनी खुशाल घ्या, पण लक्षात ठेवा सामना आमच्याशी आहे.”
खोपकर यांनी असेही म्हटले की, “जर कोणी पाकिस्तानी कलाकारांना डोक्यावर घेत असेल, तर त्यांना समजायला हवे की, सामना आमच्याशी आहे. हा चित्रपट मनसेच्या कार्यकर्त्यांच्या विरोधामुळे भारतात दाखवला जाणार नाही.”
टीझरमध्ये काय खास?
चित्रपटाचा टीझर रोमँटिक आणि हलकाफुलका आहे. त्यात फवाद खान आणि वाणी कपूर (Vaani Kapoor) यांच्या केमिस्ट्रीची झलक दिसते. लंडनच्या रस्त्यांवर चित्रित करण्यात आलेल्या एका सीनमध्ये, ट्रॅफिकमध्ये अडकलेल्या गाडीत बसलेल्या फवादला वाणी विचारते, “तू माझ्यासोबत फ्लर्ट करत आहेस का?” यावर फवाद उत्तर देतो, “तुला तेच हवंय का?”
या संवादामुळे प्रेक्षकांमध्ये चित्रपटाबद्दल उत्सुकता वाढली आहे.
‘अबीर गुलाल’चं दिग्दर्शन आणि निर्मिती
या चित्रपटाचं दिग्दर्शन आरती एस. बागरी (Aarti S. Bagri) यांनी केलं आहे. निर्मात्यांच्या यादीत विवेक अग्रवाल, अवंतिका हरी आणि राकेश सिप्पी यांचा समावेश आहे. हा चित्रपट २९ सप्टेंबर २०२४ रोजी लंडनमध्ये शूटिंगला सुरुवात झाली होती. यात भारत आणि ब्रिटनमधील कलाकार विविध भूमिकांमध्ये दिसणार आहेत.
चित्रपटाची माहिती आणि कलाकार
दिग्दर्शन: आरती एस. बागरी
निर्माते: विवेक अग्रवाल, अवंतिका हरी, राकेश सिप्पी
मुख्य भूमिका: फवाद खान, वाणी कपूर
चित्रपटाचे शूटिंग: 29 सप्टेंबर 2024 पासून लंडनमध्ये
यापूर्वीही फवाद खानच्या चित्रपटांना मनसेचा विरोध
ही पहिलीच वेळ नाही, जेंव्हा मनसेने पाकिस्तानी कलाकारांच्या चित्रपटांना विरोध दर्शवला आहे. २०१९ मध्ये आलेल्या ‘द लेजेंड ऑफ मौला जट्ट’ (The Legend of Maula Jatt) या चित्रपटाच्या भारतातील प्रदर्शनाला देखील मनसेने रोख लावली होती. राज ठाकरे यांनी स्पष्ट शब्दांत सांगितले होते की, महाराष्ट्रात कोणताही पाकिस्तानी कलाकारांचा चित्रपट प्रदर्शित होणार नाही.
फवाद खानचं बॉलिवूडमधील पुनरागमन
फवाद खान याने २०१४ मध्ये ‘खूबसूरत’ (Khoobsurat) या चित्रपटातून बॉलिवूडमध्ये पदार्पण केलं होतं. त्यानंतर ‘कपूर अँड सन्स’ (Kapoor & Sons) आणि ‘ऐ दिल है मुश्किल’ (Ae Dil Hai Mushkil) यांसारख्या चित्रपटांतून त्याने भारतीय प्रेक्षकांची मने जिंकली होती. मात्र, उरी हल्ल्यानंतर भारतीय सरकारने पाकिस्तानी कलाकारांवर बंदी घातली आणि त्यामुळे फवाद खानला बॉलिवूड सोडावं लागलं.
आता तब्बल आठ वर्षांनी, तो पुन्हा एकदा बॉलिवूडमध्ये परतण्याच्या तयारीत आहे. मात्र, मनसेच्या विरोधामुळे ‘अबीर गुलाल’ महाराष्ट्रात प्रदर्शित होईल की नाही, हे पाहणे उत्सुकतेचं ठरणार आहे.
अबीर गुलाल’ हा चित्रपट प्रेमकथेवर आधारित असून त्याला भारतातील प्रेक्षकांचा उत्तम प्रतिसाद मिळेल, अशी अपेक्षा निर्मात्यांना आहे. मात्र, मनसेच्या कडव्या विरोधामुळे तो महाराष्ट्रात प्रदर्शित होण्याच्या शक्यतांवर मोठं प्रश्नचिन्ह निर्माण झालं आहे. फवाद खानचा भारतातील पुनरागमन यशस्वी होईल का, हे आगामी काळच ठरवेल
read also : नवरा कोमात, २५ लाख खर्च… सुरेखा कुडची यांनी सांगितला स्वामींचा अनुभव
