छोट्या सुरुवातीपासून मोठ्या मिशनपर्यंत | How Repos Energy Started

Repos Energy Success Story Pune Startup:पुण्यातून सुरू झालेला एक स्टार्टअप. रेपॉज एनर्जी  (Repos Energy) ने डिझेल वितरणात क्रांती घडवली आहे. त्यांच्या नवकल्पना आणि चिकाटीच्या जोरावर, या स्टार्टअपने ऊर्जा क्षेत्राला एकदम नवीन दिशा दिली आहे.ह्या ब्लॉग मध्ये आपण repos energy या स्टार्टउप बद्दल सर्व माहिती जाणून घेणार आहोत , जसे की Repos Energy truck price, Repos Energy Founder, Investment Required For Repos Energy Dealership , and business idea of repose ही सर्व माहिती.

२०१७ मध्ये अदिती भोसले वालुंज आणि चेतन वालुंज या पती-पत्नीने मिळून रेपॉज एनर्जीची स्थापना केली. त्यांनी एक धाडसी विचार केला. डिझेलचं वितरण पारंपरिक पद्धतींवर न सोडता थेट लोकांच्या दारात नेऊ. यातून इंधनाच्या उधळपट्टीला, चोरीला, भेसळीकडे आणि गळतीला एकदम रामराम ठोकता येईल.

त्यांच्या कंपनीच्या नावालाही खास विचार आहे ‘Relentless’ (दृढनिश्चयी) आणि ‘Positive’ (सकारात्मक) या शब्दांतून प्रेरणा घेऊन, त्यांच्या नावाने त्यांच्या दृष्टिकोनाची झलक दाखवली आहे.

रेपॉज एनर्जी चे फाऊंडर | Repos Energy Founder Names

अदिती भोसले वालुंज आणि चेतन वालुंज

या पती-पत्नीने मिळून रेपॉज एनर्जीची स्थापना केली.

Repos मोबाइल पेट्रोल पंप व पारंपरिक पेट्रोल पंप यामधील तुलना | Why is a Repos Mobile Petrol Pump a better option than a conventional gas station?

विशेषता	Repos मोबाइल पंप	पारंपरिक पेट्रोल पंप
परवान्यांची प्रक्रिया	सोपी व जलद	वेळखाऊ व गुंतागुंतीची
सुरुवातीची गुंतवणूक	₹25-30 लाख	₹70 लाख – ₹3 कोटी
जमिनीची आवश्यकता	नाही	₹1.5-2 कोटी खर्च
ब्रेक-इव्हन वेळ	1 वर्षापेक्षा कमी	अनिश्चित
मनुष्यबळ व खर्च	कमी	जास्त

Repos Energy च्या मोबाइल पेट्रोल पंपामुळे पारंपरिक पेट्रोल पंपांशी संबंधित गुंतागुंतीची प्रक्रिया सोपी होते. यामध्ये कमी गुंतवणूक, वेळेची बचत, आणि ऑपरेशनल खर्च कमी होतो. Repos Energy प्लॅटफॉर्मवर PESO मान्यताप्राप्त मोबाइल पंप, कायदेशीर मदत, आणि IoT-आधारित तंत्रज्ञान उपलब्ध आहे.

Repos Energy मोबाइल पेट्रोल पंप: किंमती आणि माहिती | Repos Energy truck price

Repos Energy च्या मोबाइल पेट्रोल पंपासाठी किंमत आणि गुंतवणूक मॉडेलवर अवलंबून असते. चला, सोप्या भाषेत याचा विचार करूया:

1. मॉडेल अल्फा (Model Alpha):
हा मॉडेल प्रामुख्याने औद्योगिक भागांसाठी डिझाइन केला आहे.

• क्षमता: 4,000 किंवा 6,000 लिटर.
• किंमत: सुमारे ₹22 लाख.
  जर तुम्हाला मोठ्या प्रमाणावर इंधनाची गरज असेल, तर हा मॉडेल परफेक्ट आहे.

2. मॉडेल बीटा (Model Beta):
या मॉडेलमध्ये गुंतवणुकीची परतफेड (payback) कालावधी सेवा शुल्कावर अवलंबून असते.

• जर सेवा शुल्क ₹0 प्रति लिटर असेल, तर परतफेड कालावधी 28 महिने आहे.
• जर सेवा शुल्क ₹1 प्रति लिटर असेल, तर परतफेड कालावधी फक्त 15 महिने आहे.
  यामुळे तुम्ही अधिक लवकर नफा कमवू शकता.

फ्रँचायझी उभारणीसाठी प्राथमिक गुंतवणूक:
Repos Energy फ्रँचायझी सुरू करण्यासाठी ₹25–30 लाख गुंतवणूक लागते. ही रक्कम मुख्यतः मोबाइल पेट्रोल पंपाच्या इंधन क्षमतेवर ठरते.

जर तुम्हाला कमी गुंतवणुकीत फास्ट-ट्रॅक परतावा हवा असेल आणि व्यवसाय सुरू करण्यासाठी मोठ्या जमिनीची आवश्यकता टाळायची असेल, तर Repos Energy मोबाइल पेट्रोल पंप हा उत्तम पर्याय ठरू शकतो. हे मॉडेल्स तुमच्या उद्योग क्षेत्रासाठी सोपी, स्वस्त, आणि प्रभावी ऊर्जा सेवा देण्यास मदत करतील!

एका साध्या कल्पनेतून मोठी संकल्पना  Rpose Energy Started From Small

सुरुवात एका साध्या डिलिव्हरीच्या निरीक्षणाने झाली. रसायनशास्त्र आणि न्यायवैज्ञानिक शास्त्राची पदवी घेतलेल्या अदिती आणि पेट्रोल पंप सांभाळणाऱ्या चेतनला ई-कॉमर्सचं मॉडेल उर्जेच्या क्षेत्रात आणायचं होतं.

त्यांना दिवंगत रतन टाटांचं पाठबळ मिळालं. त्यानंतर त्यांनी IoT (इंटरनेट ऑफ थिंग्ज) आणि क्लाऊड सोल्युशन्ससारखं अत्याधुनिक तंत्रज्ञान वापरून डिझेलचं वितरण आणखी सोपं आणि प्रभावी केलं. आज हे मॉडेल देशभरातील ६५ शहरांमध्ये रुग्णालये, बांधकाम प्रकल्प आणि गृहसंघटनांपर्यंत पोहोचतंय.

इन्व्हर्टरमधून उभी राहिलेली 2300 कोटींची ही कंपनी |Invertor Man Of India Kunwer Sachdev Success Story In Marathi

सुरुवातीच्या आव्हानांवर मात 

तेल आणि उर्जेच्या क्षेत्रात नवनवीन कल्पनांना जागा देणं सोपं नव्हतं. पण जिद्दीच्या जोरावर अदिती आणि चेतन यांनी सरकार आणि बड्या उद्योगपतींचं सहकार्य मिळवलं. आज, रेपॉज एनर्जी फक्त डिझेल पुरवण्यातच नाही तर जागतिक समस्यांवरही लक्ष केंद्रित करतंय. जसं की कार्बन फूटप्रिंट कमी करणं आणि ऊर्जा कार्यक्षमतेला चालना देणं.

मोठी नावं ग्राहकांमध्ये, तरुणांच्या योगदानाने तयार होतंय यशस्वी मॉडेल Rpose Energy Success Story

लार्सन & टुब्रो, महिंद्रा & महिंद्रा, टाटा ग्रुप, आणि JW मॅरियटसारख्या दिग्गज कंपन्या रेपॉज एनर्जीच्या सेवांचा लाभ घेत आहेत. इतकंच नाही, तर डोअरस्टेप डिझेल वितरणासाठी सरकारी धोरण तयार करण्यातही त्यांनी महत्त्वाची भूमिका बजावली आहे.

संस्थापकांनी सुरुवातीला जिद्दीने काम करणाऱ्या तरुणांचा समूह तयार केला, ज्यांनी कंपनीच्या पाया घालण्यात मोलाचं योगदान दिलं. आज हेच तरुण नेतृत्वाच्या भूमिकांमध्ये आहेत. त्यामुळे टीमवर्क आणि कौशल्य वाढीचा उत्तम नमुना येथे पाहायला मिळतो.

FY25 पर्यंत २०० कोटींचं लक्ष्य  Rpose Energy Aim For Future

कंपनी आपल्या यशाचा आणि चांगल्या कामाचा उत्सव साजरा करत राहते. अदितींच्या मते, प्रत्येक व्यक्तीच्या योगदानाचा सन्मान करणं, कामाचं कौतुक करणं, आणि मोठ्या उद्दिष्टांशी सुसंगत राहणं हेच त्यांच्या यशाचं गुपित आहे.

रेपॉज एनर्जी लहान आणि मध्यम उद्योगांपर्यंत आपलं मॉडेल पोहोचवण्याचा विचार करतंय. ग्रामीण भागात रोजगार निर्माण करणं, आर्थिक प्रगतीला चालना देणं आणि भारताच्या ऊर्जा व्यवस्थापनाला अधिक सुव्यवस्थित करणं हे त्यांचं मिशन आहे. २०० कोटी रुपयांच्या वार्षिक उत्पन्नाचं लक्ष्य त्यांनी FY25 पर्यंत ठेवलं आहे.

अदिती सांगतात, “रेपॉज एनर्जी हे आमचं मूल आहे. मेहनत खूप आहे, पण उद्दिष्ट मोठं आहे आणि तेच आम्हाला पुढं जायला प्रोत्साहन देतं.” त्यांच्या या दृष्टिकोनामुळे आणि समर्पित टीममुळे, रेपॉज एनर्जी भारताच्या भविष्यातील ऊर्जा व्यवस्थापनाला नव्या उंचीवर नेण्याच्या दिशेने काम करतंय.

रेपॉज एनर्जीची ही कहाणी दाखवते की नवकल्पना, चिकाटी, आणि योग्य पाठिंबा यांचं संयोजन काय बदल घडवू शकतं. एक छोटा स्टार्टअप आज भारताच्या ऊर्जा क्षेत्रात क्रांतिकारी बदल घडवतोय. 

Repose Energy Contact & Address :

Address

Repos Energy India Pvt Ltd,

Repos Towers, Range Hill Rd, Bhoslenagar, Ashok Nagar, Pune, Maharashtra 411020

E-mail

support@reposenergy.com

तर शेअर करा ही भन्नाट अशी Rpose Energy Success Story तुमच्या पुण्याच्या मित्रांसोबत .आणि कोथरुडकर च्या Instagram page ला फॉलो कराईला विसरू नका .

हे पण वाचा :

2000 ची SIP करा आणि मिळवा 3.18 crore लॉन्ग टर्म इन्व्हेस्टमेंट प्लॅन मध्ये 

14-Year-Old Attacks Classmate with Glass Shard in Pune International School: Shocking Incident Unfolds

दिवाळीतील गवळणी म्हणजे काय? ग्रामीण महाराष्ट्रातील ‘गवळणी’ची हरवती परंपरा,शेणाच्या बाहुल्यांतून उलगडणारा लोकजीवनाचा ठेवा